Аудан әкімі Берік Сәрменбаев жылдағы үрдіс бойынша ардақты ардагерлердің үйлеріне арнайы барып, аймақ басшысының Жаңа жылдық құттықтауларын жеткізді.
Аудан басшысы құрметті қарияларға Мемлекет басшысының тапсырмасымен, аймақ басшысы Нұрлыбек Машбекұлы Нәлібаевтың қолдауымен өңірде, ауданда атқарылып жатқан жұмыстарды айтып, жыл табысты қорытындыланғанын жеткізді. Бұл жұмыстардың нәтижелі болуында аға буын өкілдерінің елді бірлікке, ынтымаққа үндеп отыруының септігі мол екенін атап өтті.
Ұлы Отан соғысының ардагері, Сырдария ауданының Құрметті азаматы Яхия Тасыровқа облыс әкімінің және ҚР Қорғаныс Министрінің «Құттықтау хаты» табыс етілді.
Сондай-ақ, еңбек ардагері Төребек Айтбайға, спорт саласының ардагері Бақытжан Абдулпаттаевқа облыс әкімінің және аудан әкімінің Жаңа жылдық құттықтауы табысталса, білім саласының ардагері Сұлупан Шамшадинова, денсаулық сақтау саласының ардагері Кеңескүл Алашбаева, әлеуметтік сала ардагері Науат Әлібаева және шіркейлілік ақын, Сырдария ауданының Құрметті азаматы Нұрмұхаммед Әбілқасымов облыстың «Құрмет грамотасымен» марапатталды. Қадірлі ардагерлер ел дамуына тілекші екендерін білдіріп, ақ баталарын берді.
Аудан әкімімен бірге ардақты жандарды аудандық ардагерлер кеңесінің төрағасы Мұса Келдібаев, облыстық мәслихат депутаты Жұмабек Ембергенов, аудандық әйелдер кеңесінің төрайымы Ұлмекен Жанәлиева және «АМАНАТ» партиясы аудандық филиалының атқарушы хатшысы Ақтөре Ибрагимұлы мерекемен құттықтады.
Сырдария ауданы әкімінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
