Алматыда метрополитенінде жолаушы рельстерге құлап кетті. Оқиғаның бейнежазбасы әлеуметтік желілерде таралды.
Қайғылы оқиға «Абай» метро бекетінде болған. Алматы қаласы Полиция департаментінің мәліметіне сәйкес, рельске құлап кеткен 26 жастағы жігіт мерт болды.
— Аталған дерек бойынша тергеу амалдары жүргізіліп жатыр. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталады, — деп хабарлады қалалық ПД баспасөз қызметі.
Еске салайық, бұған дейін Алматының метро бекеттерінде биыл 70-тен астам қауіпті заттар табылғанын жазғанбыз.
Бұдан бөлек, Алматының метро бекеттерінде кітап автоматтары орнатылатыны белгілі болды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
