«Қазақстандағы 100 жаңа есім» жобасының жеңімпазы Сымбат Әбдірахманованың жаңа туындысын кеңінен таныстыру мақсатында «Сырдария» балалар тынығу лагерінде «Сиқырлы кілт» өлкетану туры өтті.
Өлкетану туры барысында С.Әбдірахманованың жаңа анимациялық фильмінің таныстырылымы болды. «Сиқырлы кілт» анимациялық фильмінде Қызылорда облысының тарихы мен бүгінгі күнгі жетістіктері бала тілімен баяндалады. Анимациялық фильмді дайындауға мектеп оқушылары қатысып, рөлдерді сомдады. Фильмнің саундтрегін автор өзі жазған. Шығармашылық топқа Bilim Fondation қоғамдық қоры демеушілік жасаған.
Анимациялық фильмде Сыр өңірінің тарихы, танымал тұлғалары және бүгінгі жетістіктері ғана сөз етіліп қоймайды, ұлттық тәрбиенің қайнар көзі үлкенге құрмет көрсету, досқа адалдық секілді қасиеттер дәріптеледі. Сондай-ақ, жасөспірімдерге армандай білу, мақсат қою, сенім білдіру, табысты болу секілді мотивациялық кеңестер айтылады.
Рәпіш ТӨЛЕП,
Қорқыт ата атындағы ҚМУ-дың
2-курс студенті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
