Қызылордалық кәсіпкердің өліміне басты күдікті ұсталды

89

0

 Өткен жылы тамыз айында барлығымызды дүр сілкіндіріп, кәсіпкердің үйіне қарақшылық жасап, үй иесін өлтіріп қашып кеткен күдікті ақыры қолға түсті.

17 қаңтарда облыстық Полиция департаментінің Криминалдық полиция басқармасының қызметкерлері іздеуде жүрген күдікті 24-жастағы қала тұрғыны ұсталды.

Ол қылмыстық топ құрамында болып 2019 жылдың тамыз айының соңында кәсіпкердің үйіне қарақшылық қылмысын жасап, зергерлік бұйымдары мен 300 млн теңгеге жуық ақшаны жымқырып үй иесіне ауыр дене жарақатын салған болатын. Салдарынан жәбірленуші ауруханада көз жұмған.

Қазіргі таңда күдікті қамауға алынып, оған қатысты Қазақстан Республикасы Қылмыстық кодексінің 192-бабының 4-бөлігімен және 99-бабының 2-бөлігімен қылмыстық іс тергелуде.

Өткен жылы онымен бірге қылмыс жасаған 5 сыбайласы «ізін суытпай» ұсталып, оларға қатысты қылмыстық іс сотта қаралуда.