Атырау облысында қарақұрттар тұрғындар мен малдарды шағып тастаған. Бұл туралы Stan.kz ақпарат агенттігі Atyraupress-ке сілтеме жасап хабарлайды.
Қарақұрттар Қазақстанның шөлейт аймағында кездеседі, олар мамыр-маусымда қаптайды.
Атырау облысында қарақұрттардан халық та, мал да зардап шекті. Индер аймағындағы Өрлік, Көктоғай, Есбол және Елтай ауылдарында қарақұрт жылқы, қой, ешкі, түйені шағып үлгерген.
Мамандар 81 бас малды емдепті, оның 10-ын әлі емдеп жатыр. 23 мал, оның ішінде 17 түйе, 1 жылқы және 5 құлын, қырылып қалды. Ал 95 адамды қарақұрт шағып алған. Естай ауданы әкімдігі жергілікті тұрғындар арасында зардап шеккендер бар екенін мәлімдеді.
«Алғашқы жағдай 29 мамырда тіркелді. Барлығы 9 адамды шаққан, оның жетеуі – ересек адам және екеуі мектеп оқушысы. Балалар 7 және 15 жаста. Қазірдің өзінде 8 ауыл тұрғыны стационарлық ем алса, 1 адам амбулаторлық ем қабылдап жатыр. Ал біреуі ауруханаға барудан бас тартты. Ауруханаларда қарақұрт уына қарсы дәрі жеткілікті», – деді әкімдіктің баспасөз хатшысы Әли Жайшылық.
Атыраудың өзінде қарақұрт «Көктем» шағын ауданында байқалған, бірақ ешкімді шақпапты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
