Ошақтар Атырау облысының Индер және Құрманғазы аудандарында табылды. Осыған байланысты шектеу және карантиндік шаралар қабылданды, бруцеллездің өршу жағдайы ветеринариялық қызметкерлердің толығымен бақылауында, деп хабарлайды Zakon.kz.
Атырау облыстық ауыл шаруашылығы және жер қатынастары басқармасының баспасөз қызметінің ақпаратынша, ауру 450 бас малдан анықталған.
Оның ішінде 167 сиыр, 278 қой және 5 түйе бар. Бруцеллез диагнозы қойылған барлық жануарлар бұқтырылған ет пен шұжық өндіретін ет цехтарына союға жіберілді. Шығынға ұшыраған адамдар жергілікті бюджет есебінен өтемақы алды.
«Биыл облыста жоспарлы іс-шараларға сәйкес ауыл шаруашылығы жануарлары 11 түрлі аса қауіпті ауруларға қарсы 3 миллион 551 мың 758 доза вакцина алды, бруцеллездің 1 миллион 50 мың 940 қан сынамасы алынды. Ауру жануарлардың иелеріне жергілікті бюджеттен тиісті өтемақы төленді», – деп нақтылады ведомствоның баспасөз қызметі.
Адамдар арасында ауру түрі тіркелмегені атап өтілді. Дегенмен, бруцеллез адамға сүт және терідегі ұсақ жаралар арқылы берілетінін есте ұстаған жөн, сондықтан мал өсірушілерге қолғап қолдануға кеңес беріледі және сүтті қолданар алдында жақсылап қайнату керек екендігі айтылды.
Ауылдарда жануарларды басқа елді мекендерге шығаруға тыйым салынды.
Айтпақшы, 2023 жылы аймақта бруцеллез 192 сиырдан, 767 қойдан және 4 түйеден анықталған.
24 шілдеде Солтүстік Қазақстанда 400 бас малдан бруцеллез анықталғаны хабарланған болатын.
>>> Біздің Facebook, Instagram парақшаларымыз бен Telegram каналымызға жазылыңыз! <<<
