Жалағаш ауданының әкімі Ардақ Ибраимов Қаракеткен ауылының тыныс-тіршілігімен танысып, ауыл тұрғындарымен кездесті.
Халықпен кездесу барысында Мемлекет басшысының, Үкіметтің, облыс әкімінің қолдауымен ауылдарда жүзеге асырылған жұмыстарды атап өтіп, тұрғындардың ұсыныс-пікірлерін тыңдады.
2024 жылы 388,7 млн. теңгеге Қаракеткен ауылында жаңа дәрігерлік амбулатория құрылысының жұмысы басталып, 2025 жылдың қаңтар айында облыс әкімі Нұрлыбек Нәлібаевтың қатысуымен жаңа дәрігерлік амбулатория ел игілігіне пайдалануға берілді.
Биыл тұрғындардың ұсынысына сәйкес, ауыл ішіндегі 10 көшеге күрделі жөндеу жұмыстарын жүргізу көзделуде.
Сонымен бірге облыс әкімінің тапсырмасына сәйкес елді мекендерді табиғи газ желісіне қосуды жалғастыру мақсатында Қаракеткен ауылын газдандыру жұмыстарына демеушілер есебінен жобалау-сметалық құжаттары әзірленіп, бюджетке қаржыландыруға ұсынылды.
Ауыл тұрғындары ауылда жүргізілетін құрылыс жұмыстары қаракеткендіктер үшін үлкен жаңалық болғанын айтып, қолдау білдірген облыс әкіміне өз ризашылықтарын жеткізді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
