Жаңа жыл мерекесі қарсаңында аудан әкімі Мейрамбек Шермағанбет аудандағы бірқатар ардагерлердің шаңырағына барып, аймақ басшысы Нұрлыбек Машбекұлының мерекелік құттықтауы мен арнайы сый-сияпатын табыстады.
Аудан басшысы алдымен Әйтеке би кентінде тұратын сауда саласының ардагері Үржамал Ешжанованың шаңырағына барып, келе жатқан жаңа жыл мерекесімен құттықтады. Үржамал Әбиқызы 32 жылдан астам уақыт бойы сауда саласында жұмыс жасаған. Ауданда азық-түлікті ең төмен бағада сататын дүкен мен ең алғашқы болып көтерме бағамен сауда жасайтын азық-түлік қоймасын ашқан кәсіпкер. Бүгінде 70 жасқа таяған еңбекқор ананың 2 ұлы мен 1 қызынан тараған 16 нөмере, 2 шөбересі бар.
Мұнан кейін ауданның әлеуметтік-экономикалық дамуына елеулі үлес қосқан азамат, аудандық ардагерлер кеңесінің төрағасы Оразғали Бекпановтың шаңырағына барып, аймақ басшысының кұттықтауын табыстады.
Ауданның әлеуметтік-экономикалық ахуалын жан-жақты саралап, жасы сексеннен асса да өңірде атқарылып жатқан әрбір игі істердің басынан табылып жүретін ақсақал мереке қарсаңындағы аймақ басшысының жіберген арнайы құттықтауы мен құрметіне ерекше ризашылығын жеткізді.
Облыс әкімінің мерекелік құттықтауы білім саласының ардагері Серік Қуанышбаев пен ауданның өсіп-өркендеуіне зор үлес қосқан ардагер Сайын Дәулет ақсақалға да табысталды.
Қазалы ауданы әкімдігі
>>> Біздің Facebook, Instagram парақшаларымыз бен Telegram каналымызға жазылыңыз! <<<
