Бас ауруы түрлі патологияның белгісі болуы мүмкін, сондықтан оған назар аудармауға болмайды. Бұл туралы невролог, терапевт Артем Барышев айтты, – деп хабарлайды Massaget.kz тілшісі Life-қа сілтеме жасап.
Оның айтуынша, мұндай жағымсыз сезімдер айына бірнеше рет пайда болуы мүмкін.
Егер ауырсыну біртіндеп күшейіп, баста қысым сезімі пайда болса, адамның бас сүйек ішіндегі қысымы жоғарылаған болуы мүмкін. Сонымен қатар, қан қысымы жоғарыласа, бас ауруы пайда болады.
«Жалпы, көбінесе бас ауруы – жеткіліксіз жүктемені жеңе алмайтын арқа мен мойын бұлшықеттерінің кернеуінің нәтижесі. Сколиоз және еңкейу бұлшықеттерді шамадан тыс жүктейді, бұл бас терісінің спазмы мен кернеуіне әкеледі – сөйтіп ауырсыну басталады», – деп қорытындылады Барышев.
Айта кетейік, бұған дейін неліктен таңертең бас ауыратыны хабарланған болатын.
Жастық пен матрас ыңғайсыз
Дұрыс ұйықтау үшін жатқан орыныңыз ыңғайлы болуы шарт. Жастық пен матрастың материалына, ыңғайлылығына мән беріңіз. Мүмкін жастық немесе матрасты ауыстыру керек шығар?
Жатын бөлме ауасы қапырық
Ұйықтар алдында бөлменің ауасын тазартып, желдеткен абзал, өйткені ұйқының қанық, тыныш болуы үшін ауа таза болуы керек. Қай мезгілде болсын бөлме ауасын желдетіп тұру өте маңызды.
Сізде обструктивті ұйқы апноэ синдромы бар
Ұйқы кезінде тыныс алудың мезгіл-мезгіл тоқтап қалуына байланысты бас ауырады, салдарынан гипоксия пайда болып, бұл таңертең мигреньді қоздырады.
7 сағаттан аз ұйықтайсыз
Ересектер кем дегенде 7 сағат ұйықтауы керек. Егер таңертең басыңыздың ауырып тұрғанын байқасаңыз, ең алдымен жеткілікті мөлшерде ұйықтауға тырысып, тексеріп көріңіз.
8 сағаттан көп ұйықтайсыз
Егер алдыңғы түні ұйқыңыз қанбай, оны қандыру үшін бүгін көп ұйықтасаңыз – рұқсат етіледі. Алайда жүйелі түрде тым көп ұйықтайтын болсаңыз, төсектен тұра алмай, ұйқышылдықты сезінсеңіз, бұл мигреньге әкеп соқтыруы мүмкін.
Мойын тамырларының ауруы бар
Мойын немесе мойын омыртқасының тамырларын тексеру үшін дәрігерге көріну керек, өйткені кейде патология қан ағымының бұзылуына әкеп соқтырады.
Ұйықтап жатқанда тіс қайрайсыз
Бруксизм бет бұлшықеттерінің шамадан тыс жүктелуіне әкеледі. Темперомандибулярлық буынның бұзылуы таңертең бас ауруын тудырады. Бас ауруына қоса, тіс пен құлақтың ауырсынуын сезсеңіз, дереу дәрігерге бару керек.
Сізде параназальды синус ауруы бар
Мұрыннан су ағып, бітеліп қалса, адам тыныш ұйықтай алмайды, сондықтан таңертең бас ауырады. Бірақ кейде параназальды синустарда қабыну немесе полиптер болуы мүмкін. Бұл жағдайда түнде мұрынның шырышты қабаты ісініп, маңдай қатты ауырады.
Қан қысымыңыз жоғары
Қан қысымының жоғары екенін байқау қиын, дегенмен созылмалы гипертониямен ауыратын науқастардың айтуынша, егер қан қысымы түнде жоғарылап кетсе, таңертең бас ауырады.
Сізде гипникалық бас ауруы бар
Гипникалық цефалгия – түтіккен ауырсыну пароксизмальды түрде дамиды және адам кез келген уақытта оянып кетуі мүмкін. Мұндай ауру түріне көбінесе 50 жастан асқан адамдар шағымданады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
