Аягөзде қаза тапқан әскери қызметкер Нұрсұлтан Алдамұратовтың туыстары оның өлімі туралы ресми нұсқаны жоққа шығарып отыр. Бұл туралы syrboyi.kz ақпарат агенттігі Azattyq ruhy сайтына сілтеме жасап хабарлайды.
Марқұмның анасы Ботакөз Ысқақова ұлының өз өзіне қол жұмсағанына сенбейтінін айтты.
«Ол ешқашан өз-өзіне қол жұмсау туралы шешім қабылдамас еді. Ұлым ондай адам емес еді. Ешқашан қателік жасамаған, адал еңбек етті. Өз-өзіне қол жұмсайтындарды түсінбейтінін айтатын. Ол «адам қалай өз-өзіне қол жұмсайды» деп сұрайтын. Сондықтан баламның өз-өзіне қол жұмсағанына сенбеймін», – дейді сарбаздың анасы.
Анасының сөзінше, ұлы бір апта бұрын бастығының шотына ақша аударған.
«15 қыркүйекте ол маған 213 мың теңге аударды. Біраз уақыттан кейін ақшаны қайта шотына аударуды сұрады. Ол нөмірден қателескенін, ақшаны бастығының шотына аудармақ болғанын айтты. Бұл әрекеттер күмән тудырды. Неге ол өз басшысына мұндай ақшаны аударып жүргенін түсінбедім», – дейді анасы.
Марқұм Нұрсұлтанның айтуынша, гарнизон басшылығы қызметкерлерге бөлінген қаржының сақталуына қамқорлық жасаған.
«Бастығы оған жәрдемақыны аударуды тапсырған, әйтпесе әріптестері одан осы ірі соманың бір бөлігін талап ететінін ескерткен. Сонда мен «бұл ақшаны неге бастыққа беру керек» деп сұрадым. Сонда ол бастығынан ақша сұрай ма? Мен оған бұл ақшаны аудармауға кеңес бердім. Ол да менімен келісіп, дәл солай ойлайтынын айтты. Енді осы жағдай күмән тудырып тұр. Меніңше бұл қиянатты басшылық жасаған сияқты. Оның бастығының аты – Нұржан Нұрқабаев», – деді Ботакөз Ысқақова.
Айта кетейік, Аягөз гарнизоны болған оқиғаның себептері мен мән-жайын анықтап жатыр. Қылмыстық іс қозғалды.
Еске салайық, бұған дейін 19 қыркүйекте Аягөз гарнизоны әскери бөлімнің офицерінің мәйіті жұмыстан тыс уақытта пәтерінен табылған еді. Алдын ала мәлімет бойынша, офицер асылып қалған.
>>> Біздің Facebook, Instagram парақшаларымыз бен Telegram каналымызға жазылыңыз! <<<
