Қызылордада дәрігерлер қала шетіндегі атыстан аман қалғандарға ота жасады, зардап шеккендердің жағдайы тұрақты, – деп хабарлайды КТК.
Төтенше жағдай 7 мамырда кешке болған: белгісіз адамдар көшеде оқ жаудырған. 26-29 жастағы үш жас жігіт оқиға орнында қайтыс болды. Іш, аяқ және кеудесінен жарақат алған, аяғы сынған үш адам ауруханаға жеткізілді.
Куәгерлердің айтуынша, атыс кенеттен басталған. Шабуылдаушылар көрінбеген, бірақ адамдар бірінен соң бірі құлаған.
Полиция болған оқиғаның мән-жайы туралы толық ақпарат жарияламады. Қылмыстық іс «кісі өлтіру» бабы бойынша басталғаны белгілі.
>>> Біздің Facebook, Instagram парақшаларымыз бен Telegram каналымызға жазылыңыз! <<<
