Дубай көшелерінде көліктің жаңа түрі қолданысқа енгізілуі мүмкін. Электр қуатымен қозғалатын көлік әзірге сынақтан өткізіліп жатыр. Ол Италияда құрастырылған. Аккумуляторының күші үш сағат тынымсыз қозғалуына жетеді. Кабинасында 6 орын бар. Тағы төрт кісі түрегеп тұра алады. Өзінің салмағы – 1 жарым тонна. Сынақ кезінде электро-кар сағатына 20 шақырым жылдамықпен ғана қозғалған.
Бұл көліктің бір ерекшелігі, қажет болса капсулаларды бір-бірімен жалғауға не ажыратуға болады. Ол үшін 20 секунд жетіп жатыр екен. Құрастырушылар көліктің қауіпсіздігін алға тартқан. Ол камера және қорғаныс жүйесімен жарақталған. Апатты жағдайда тікелей адамның өзі жүргізуге де бейімделген. Ал адамдар жол ақысын мобильді қосымша арқылы төлей береді. Дубай билігі 2030 жылға қарай шаһардағы барлық қоғамдық көлікті осындай техникамен жарақтамақ.
>>> Біздің Facebook, Instagram парақшаларымыз бен Telegram каналымызға жазылыңыз! <<<
