Кеше Қармақшы ауданының 90 жылдығы аясында аудандық мәдениет үйінде өңірімізге белгілі азаматтар Қорғанбек Мықаев, Рабиға Сүлейменқызы, Бодан Мықаевты еске алуға арналған танымдық шаралар өтті.Шара барысында ардақты тұлғаларды еске алуға арналған арнайы түсірілген деректі фильмнің тұсауы кесіліп, «Еңбекпен өрілген өмір» атты облыстық жыраулар фестивалімен жалғасын тапты. Жыраулар фестивалінде аудан әкімінің орынбасары Ә.Қошалақов құттықтау сөз сөйлеп, балалары мен ұрпақтарына лебізін білдірді.
Фестивальға облыстық деңгейдегі жыр жампоздары Берік Саймағанбетов, Шолпан Бимбетова, Арнұр Көшеней, Бедебаев Балтабай, Майра Сәрсенбаева, Айдос Рахметов, Руслан Ахтметов және де басқа белгілі жыраулар қатысты. Сондай-ақ, шара аясында Жосалы кентіндегі ескі аэропорт маңындағы ипподромда ұлттық спортымыз бәйге (аламан бәйге, құнан бәйге, тай бәйге), Қазақша күрес (түйе палуан), қой көтеру жарыстары өткізілетін болады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
