Сурет ашық дереккөзден
Бүгін футболдан Премьер-лига командалары арасындағы ел біріншілігінің 15-турында тағы екі ойынның нәтижесі белгілі болды, деп хабарлайды ҚазАқпарат тілшісі.
Түркістан облысының «Мақтаралы» Қызылорданың «Қайсар» командасын қабылдады.
Кездесу барысында 12-минутта түркістандық клубтан Антон Шрамченко есеп ашқан еді. Оған 21-минутта қызылордалық командадан Валерий Приндета бір голмен жауап қайырды.
Ойынның 94-минутында «Мақтарал» шабуылшысы Рамазан Кәрімов пенальтиден мүлт кеткен жоқ. Ал 97-минутта Валерий Приндета таразы басын теңестірді.
Кездесу 2:2 есебімен тең аяқталды.
Ал қарағандылық «Шахтер» өз алаңында «Ақтөбеге» 0:1 есебімен жол берді.
Дәл қазір «Атырау» мен «Ордабасы» кездесуі өтіп жатыр. Бірінші кезеңнен кейін атыраулық ұжым 1:0 есебімен жеңуде.
Айта кетсек, бұдан бұрын алматылық «Қайрат» Көкшетаудың «Оқжетпесін» 1:0 есебімен жеңді.
Енді 16 шілдеде 20:00-де «Каспий» (Ақтау) пен «Жетісу» (Талдықорған) ойнайды.
Бұл турдағы «Аксу» (Павлодар облысы) мен «Астана» кездесуі 24 мамырда өткізіліп, елордалық команда 1:0 есебімен басым түсті.
Енді 27 қыркүйекте «Қызылжар» (Петропавл) мен «Тобыл» (Қостанай) жасыл алаңға шығады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
