Облыстық Полиция департаментінің патрульдік полиция ротасының қызметкерлері «Шымкент-Самара» тасжолы, яғни Арал ауданы Шижа ауылы тұсында қызмет атқару барысында 49 жастағы қала тұрғынының басқаруындағы «Фольсваген» автокөлігін жол ережесін бұзғаны үшін тоқтатқан. Автокөлікте жүргізушімен бірге жолаушысы да болған.
Тексеру барысында автокөліктен бір қапқа салынған шөп ұнтақтары тәркіленді. Сараптама қортындысына сәйкес тәркіленген зат салмағы 4 келіден аса «кептірілген марихуана» екені белгілі болды.
Екі күдікті қазіргі таңда Арал АПб-ның уақытша ұстау изоляторына қамаққа алынды.
Аталған дерек бойынша Қазақстан Республикасы Қылмыстық кодексінің 296-бабы 4-бөлігімен (аса ірі мөлшердегі есiрткi,психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру әрекеттері жүргізілуде.
>>> Біздің Facebook, Instagram парақшаларымыз бен Telegram каналымызға жазылыңыз! <<<
