Аудан әкімі Айтбай Жандарбеков аудандық мәслихат төрағасы және дербес бөлім басшыларымен бірге Қарғалы, Бәйтерек ауылдық округтерінің тұрғындарымен кездесті.
Халықпен кездесулер барысында аудан басшысы алдымен жыл басынан бері Мемлекет басшысының және аймақ басшысының қолдауымен облыс көлемінде, Шиелі ауданында түрлі салада атқарылған жұмыстарды баяндап, алдағы жоспарлармен бөлісті.
Қарғалы ауылындағы халықпен кездесуге тоқталар болсақ, ауыл тұрғындары атқарылып жатқан жұмыстарға көңілдері толатындықтарын айтып, аудан басшылығына сәттілік тілеп, бастамалардың іске асуына әрдайым тілектес екендіктерін жеткізді.
Айта кетейік, Қарғалыда 2023 жылы жаңа дәрігерлік амбулатория беріліп, халық игілігін көруде
Бәйтерек елді мекенінде өткен халықпен кездесуде де бірқатар мәселелер көтерілді. Атап айтар болсақ, тұрғындар көшелерге орташа жөндеу жұмыстары керек екендігін жеткізді. Сондай-ақ, жарық желілерінің тозығы жеткендігін айтып, бұл мәселеге қатысты аудан әкімі «Осы жылы 3 ауылда толықтай жарық желілерін ауыстыру жұмыстары жүруде. Сол тізімде Бәйтерек ауылы да бар. Келер жылы толықтай аяқталады» деді.
Халықпен кездесулерде көтерілген мәселелер кезең-кезеңімен шешілу жолдары қарастырылады және тиісті жауапты сала басшыларына тапсырмалар берілді.
Шиелі ауданы әкімінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
