Полиция көлік басқарып келе жатып телефоннан фильм көріп отырған такси жүргізушісіне айыппұл салды, – деп хабарлайды ҚазАқпарат тілшісі. Полицейлер ҚР Әкімшілік құқық бұзу кодексінің 591-бап, бірінші тармағы – «Көлiк құралын басқару кезiнде жүргiзушiнiң телефонды не радиостанцияны пайдалануы» бойынша әкімшілік іс қозғады.
Павлодар облыстық полиция департаменті баспасөз қызметінің мәліметінше, «Kolesa_pavlodara» Instagram парақшасында 13 қаңтар күні 003 бағытындағы такси жүргізушісі көлікті басқару кезінде ұялы телефонды пайдаланып фильм көргені туралы материал жарияланған. «Жүргізушіге 13 255 теңге көлемінде айыппұл салынды», – деді тәртіп сақшылары.
