Ағымдағы жылдың 27-29 наурыз күндері облыс аумағында өткізілген «Көктемгі демалыс» жедел-профилактикалық іс-шарасы қорытындыланды.
Іс-шара барысында қалалық Полиция басқармасы мен барлық аудандық полиция бөлімдерінің қызметкерлері, жастар ресурстық орталық өкілдері, педагогикалық ұжымды тарта отырып, балалардың қадағалаусыз және панасыз қалуының алдын алу, кәмелетке толмағандарды түнгі уақытта ойын-сауық орындарында және үй-жайдан тыс жүргендерін анықтау мақсатында рейдтік іс-шаралар ұйымдастырды.
Нәтижесінде іс шараның қорытындысымен барлығы 296 түрлі әкімшілік хаттамалар рәсімделсе, 11 кәмелетке толмағандарды ішкі істер органдарының есебіне алынды, 5 қадағалаусыз және панасыз қалғаны үшін, 1 жасөспірім тиым салынған заттарды заңсыз алып жүргені үшін жеткізілді.
Әкімшілік кодексінің 127-бабы бойынша, ата-ананың немесе басқа да заңды өкілдердің балаларды тәрбиелеу жөніндегі міндеттерді орындамағаны үшін барлығы 23 ата-анаға хаттама толтырылды.
Кодекстің 127-2-бабы (Кәмелетке толмаған адамды жәбірлеу (буллинг, кибербуллинг)) бойынша 3 құқық бұзушылық анықталды.
ҚР ӘҚБтК-нің 132-бабы (ойын-сауық мекемесіне заңды өкілісіз кіргізу) бойынша 10 (Қала-8, Шиелі-1, Жаңақорған-1) дерек анықталды.
Кодекстің 423-1-бабы (жиырма бір жасқа толмаған адамдарға темекіні және темекі бұйымдарын сату) бойынша 2 әкімшілік хаттама рәсімделді.
Кодекстің 434-2-бабы (ортақ пайдаланатын орындарды ластау) бойынша 16 құқықбұзушылық анықталды.
Ал, кодекстің 435-бабы (кәмелетке толмаған адам жасаған бұзақылық) бойынша 3 дерек анықталып, олардың заңды өкілдеріне хаттама толтырылды.
Кодекстің 437-бабы (түнгі тыныштық бұзу) бойынша 4 кәмелетке толмағандар анықталып, оларға әкімшілік хаттамалар рәсімделді.
Сондай-ақ, кодекстің 442-бабы (сағат 22:00-ден 06:00-ге дейін кәмелетке толмағандар түнгі уақытта заңды өкілдерінің еріп жүруінсіз ойын-сауық мекемелерінде болуы және сағат 23:00-ден 06:00-ге дейін заңды өкілдерінің еріп жүруінсіз тұрғын жайдан тыс жерде болуы) бойынша барлығы 235 кәмелетке толмағандар анықталып, олардың заңды өкілдеріне хаттама толтырылды.
Ішкі істер органдарының есебіне барлығы 11 жасөспірімдер алынса, ал кәмелетке толмағандарды тәрбиелеу, оқыту және (немесе) бағып-күту жөніндегі өздерінің міндеттерін орындамайтын, олардың мінез-құлқына теріс әсер ететін кәмелетке толмағандардың ата-аналары мен заңды өкілдерінің профилактикалық есебіне барлығы 13 ата-аналар алынды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
