Фото: polisia.kz
Павлодар облысында VIP нөмірдің құны 1 млн теңгеге дейін барады, ең арзаны – 198 мың теңге, деп хабарлайды ҚазАқпарат «Азаматтарға арналған үкіметтің» облыстық филиалына сілтеме жасап.
Ең қымбаты – 001 және 777 комбинациясы бар, сондай-ақ үш бірдей әріпті мемлекеттік тіркеу нөмірлері.
«Клиент мамандандырылған халыққа қызмет көрсету орталығында көрсетілген нөмірлердің ішінен таңдау жасай алады. Немесе «сұраныстағы» нөмірлер мен әріптердің көмегімен өз қалауынша тапсырыс бере алады», – дейді «Азаматтарға арналған үкімет» КеАҚ Павлодар облыстық филиалы басшысының орынбасары Рахат Қошанов.
Автокөлік сатылған жағдайда клиент өз атындағы VIP нөмірін арнайы ХҚО-да сақтауға құқылы.
Бірақ көлік иесі 30 күн ішінде дәл осындай нөмірмен жаңа көлікті тіркемесе, қымбат нөмірді сақтап қалу үшін әдетте үстіне 10 мың теңге төлеуге мәжбүр болады.
«Әдемі» нөмірді шексіз сақтауға болады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
