Облыстық ішкі саясат басқармасының мемлекеттік әлеуметтік тапсырысы аясында «Туған жер» қоғамдық қозғалысы» қауымдастығының ұйымдастыруымен халық көп шоғырланатын орындардың бірі автовокзал ғимаратында тегін құқықтық кеңес беру өтті.
Кеңес берудің негiзгi мақсаты – зейнеткерлерге, мүгедектерге, жетім балаларға, көп балалы отбасыларға және басқа да азаматтардың сұрақтарына құқықтық тұрғыдан кеңес беру. Сондай-ақ, осы іс-шара жемiстi және нәтижелi өткiзiлуі үшін жергілікті әкімшілік полиция қызметкері А.Отаров, медиатор М.Нұржанов, «Тұрғын үй құрылыс жинақ банкі» бөлім басшысының орынбасары А.Асанов пен «Туған жер» қоғамдық қозғалысы» қауымдастығының заңгері А.Жанахаева қатысты.
Азаматтардың құқықтық мәдени деңгейін арттыру мақсатында ұйымдастырылған іс шараға жергілікті тұрғындар қатысты.
Кеңес беру барысында негізінен несие, алимент төлеуден жалтару, тұрғын үй алу, жер алып беремін дегендерге алданып қалу, медиация және басқа да құқықтық мәселелер бойынша, сұрақтар қойылды.
Қоғамдық қабылдауға келген азаматтардың барлығы заң нормаларына сәйкес түсініктеме алды. Мұндай кеңес беру ай сайын ұйымдастырылатын болады.
«Туған жер» қоғамдық қозғалысы»
қауымдастығы
>>> Біздің Facebook, Instagram парақшаларымыз бен Telegram каналымызға жазылыңыз! <<<
