Кеше ҚР ІІМ ТЖК «ОӨАЖҚЖ» ММ-нің жедел кезекшісіне, Қызылорда облысы ТЖД кезекшісінен, «Қызылорда-Павлодар-Успенка-РФ» тас жолының 94 шақырымы белгісінен оңға қарай «Злиха» гидрометеобекеті маңында 3 адам «УАЗ» автокөлігімен батпаққа батып, шығалмай қалғаны жөнінде хабарлама түсті.
Хабарлама бойынша, «Қазгидромет» РМК Қызылорда облысы бойынша филиалының бір қызметкерімен бірге жасақтан 3 құтқарушы жол талғамайтын «Камаз» автокөлігімен шықты. Құтқарушылар «Қызылорда-Павлодар-Успенка-РФ» тас жолының 94 шақырымы белгісінен оңға қарай «Злиха» метеобекетіне қарай бұрылып, жолсыздықпен 110 шақырым жүргеннен кейін, далада батпаққа батып тұрған «Қазгидромет» РМК Қызылорда облысы бойынша филиалының «УАЗ» маркалы м/б kz 653 AN 11 автокөлігін тапты. Жағдайды сұрастырып анықтағаннан кейін, құтқарушылар «УАЗ» автокөлігін тіркемеге алып, батпақтан құрғақ жерге тартып шығарды. Содан кейін, ілесіп жүріп «Қазгидромет» РМК Қызылорда облысы бойынша филиалының қызметкерлері А. Абдурамановты (1983 ж.т.), Қ. Шаденовты (1957 ж.т.) және А. Беденді (1996 ж.т.) «УАЗ» автокөлігімен Қызылорда қаласына жеткізді.
ҚР ІІМ ТЖК «ОӨАЖҚЖ» ММ-сі қауіпсіздік ережелерін сақтауға, ауа-райы көктемгі нашарлауы кезеңінде, қаранғы уақытта елді мекендерден шықпауға кеңес береді. Ауа райының бұзылуы, боран, көктайғақ және басқа да табиғи құбылыстар туралы SMS хабарландыруларды елеусіз қалдыруға болмайтының ескертеді. Көліктеріңіздін оңдылығын қадағалап, өзіңіздің жақындарыңызды тәуекелге ұшыратпаңыз, жазатайым оқиғаларды елеулі түрде азайтуға болады.
ҚР ІІМ ТЖК «ОӨАЖҚЖ» ММ
>>> Біздің Facebook, Instagram парақшаларымыз бен Telegram каналымызға жазылыңыз! <<<
