Облысымызда жыл басынан бері сыбайлас жемқорлықтың алдын алу мақсатында 18 салаға мониторинг жүргізілді. Сондай-ақ, атқарылған жұмыстардың нәтижесінде 32 ұсыныс беріліп, оның 28-і орындалды. Бұл туралы Өңірлік коммуникациялар қызметінің ақпарат алаңында өткен баспасөз конференциясында Облыстық арнайы мониторингтік топтың жетекшісі Наталья Мишукова мәлімдеді.«Сапалы жол – Адалдық алаңы» жобасы аясында агенттік департаментінің қызметкерлерімен бірге автомобиль жолдарының проблемалық учаскелеріне 10 мониторинг жүргізілді. Нәтижесінде 4 учаскеге жөндеу жұмыстары қайта жүргізілуде. Ал, 1 учаскеге жөндеу жұмысы келесі жылы жүргізілетін болады»,- деді Наталья Валентиновна.
Сондай-ақ, автомобиль жолдарының сапасын арттыру бойынша жолтөсемінің жай-күйіне әсер ететін маңызды факторлардың бірі – ауыр салмақты үлкен жүкті тасымалдау. Осыған орай, бақылау инспекциясымен бірлесіп 14-рет рейдттік шаралар жүргізілді. Нәтижесінде 86 жүк көлігіне әкімшілік хаттама рәсімделіп, айыппұл салынды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
