Өскемен қаласында университет маңынан ер адамның мәйіті табылды. 25 желтоқсан күні таңертең Серікбаев көшесінде орналасқан университеттің маңайында адамның мәйіті жатқан. Мұны байқаған адамдар бірден полицияға қоңырау шалды.
– Сол жерге тәртіп сақшылары шұғыл келіп жетті. Марқұм 45 жас шамасындағы ер адам. Оның денесінен көзге көрінетіндей жарақаттар байқалған жоқ, – деп хабарлады ШҚО Полиция департаментінің баспасөз қызметінен.
Қазіргі уақытта оқиғаның мән-жайын анықтау үшін тиісті сараптама тағайындалған.
– Сотқа дейінгі тергеу амалдары жүргізіліп жатыр. ҚР ҚІЖК-нің 201-бабы бойынша өзге ақпарат тергеу мүддесіне сәйкес жария етілуге жатпайды, – делінген ақпаратта.
Еске салсақ, осыған дейін ШҚО-да мас күйде көлік тізгіндеп, полицейлерге қарсылық көрсеткен депутат қамалғаны хабарланған.
>>> Біздің Facebook, Instagram парақшаларымыз бен Telegram каналымызға жазылыңыз! <<<
