Айлардың сұлтаны қасиетті Рамазанда JIBEK JOLY телеарнасында «Ораза қабыл болсын» тікелей эфирі көременге жол тартты. Дінтанушы Нұрлан Байжігітұлы «отыз күн оразадағы отыз амалға» тоқталып, көрерменнің сан түрлі сауалына жауап береді.
Ораза ұстап, ауыз бекіту төңірегінде елді толғандырған сауал көп. Бұл жолы дінтанушы «Рамазан – ғибадат айы» тақырыбын кеңінен талқылады.
«Рамазан айы мен оразаның қасиеті жайында халық не біледі?», «Рамазанның болмысын қандай әрекеттер бұзады?», «Оразаның басты құндылығы неде?» деген сауалдар төңірегінде әңгіме өрбітті. Әр сұраққа өмірлік мысалдарды келтіре отырып жауап берді. Әсіресе, уақытты бағаламай, уақытты бос өткізудің зияны туралы айтты. Бұл айда компьютерлік ойындар ойнап, сан түрлі сериалдар көру Рамазанның қадірін кетіретінін тілге тиек етті.
Ал, Ораза ұстаған адам уақытын ұйқымен өткізсе, сауабының аз болатынын «Оразаны ұйқымен өткізсең, сауабын «түсіңде» көресің» деген әдемі әзілмен жеткізді. Сондай-ақ дінтауншы оразада тамақты көп ойлау, күні бойына «ауызашарға не дайындаймын» деген ойға берілу, соған уақытын жұмсау және «тамақты көптеп жесем, ертең қарным ашпайды» деген жаңсақ оймен шамадан тыс тамақтану да Оразаның бағасын түсіретінін айтты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
