Шымкентте күзетшілерге прокурордың әйелі екенін айтып, дөрекілік танытқан 38 жастағы Жайна Уразалина көпшіліктен кешірім сұрады деп хабарлады turkystan.kz.
«Балаларды клубқа апардым, көлікті тұраққа қойдым. Күзетші дөрекі түрде көлікті басқа жерге қою керек екенін айтты. Кейінірек қоямын дедім. Ол дөрекілік танытып, балағаттады. Кешірім сұрауын талап еткенімде таяғын алып, бас салды. Балалар қорқып қалды, қызым жылады», – дейді ол.
Әйел әдепсіз сөйлегені үшін кешірім сұрады. Сондай-ақ ашу үстінде прокурордың әйелі екенін айтқанын жеткізді. Аталған ведомствоға еш қатысы жоқ екенін айтып, прокуратура қызметкерлерінен кешірім сұрады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
