Қара бетперде таққан жігіт тағы бір отбасыны қуантты, – деп хабарлайды Massaget.kz.
SMARTNEWS басылымының хабарлауынша, бұл жолы қара бетперде таққан жігіт дүкеннен азын-аулақ азық-түлік алып, үйіне бет алған баланың алдынан шықты. Аяулымның жаcы 11-де, ата-анасы мылқау, мүгедек.
«Ата-анам кішкентай кезінен бері сөйлемейді, мүгедек. Біз осы үйді жалға алып тұрамыз. Моншаға барып жуынамыз. Өйткені бізде жуынатын жерлер жоқ. Менің әкем – «фасовщик», анам – «тігінші», – дейді ол.
Аяулымның арманын естігенде көпшіліктің көзіне жас келері анық. Өйткені ол «ата-анасымен сөйлескісі келеді». Оған «басқа ештеңе керек емес».
«Аяулым, қарындасым, сенің бұйырса, ата-анаң емге барады және сіздер үйлі боласыздар», – деді қара бетперде таққан жігіт.
>>> Біздің Facebook, Instagram парақшаларымыз бен Telegram каналымызға жазылыңыз! <<<
