Қазақстанда пилоттық ауыл шаруашылығы санағы жүргізіледі. Шара ағымдағы жылдың 20 тамызы мен 30 қыркүйек аралығында өтеді деп жоспарланған. Бұл туралы Stan.kz ақпарат агенттігі хабарлайды.
Ұлттық статистикалық бюроның брифингінде белгілі болғандай, халық санағы әр облыста, екі ауылдық елді мекенде, бір қалада және республикалық маңызы бар үш қалада өтеді. Пилоттық санақ 2024 жылдың 20 тамызы мен 30 қыркүйегі аралығында жоспарланған.
«Негізгі сауалнаманы аумақтық бөлімшелердің қызметкерлері жүргізеді. Біз пилоттық жобаға интервьюерлерді тартпаймыз, сауалнама қалалық жерлерде 13 күн, ауылдық жерлерде 15 күн бойы жүргізіледі», – деді ауыл шаруашылығы статистикасы департаментінің ұлттық санақ жүргізу бөлімінің басшысы Әсел Сәрсекова.
Өз кезегінде негізгі ауыл шаруашылығы санағы 2025 жылдың 1 тамызы мен 20 қазаны аралығында өтеді.
«Санақ әкімшілік деректерді түзету мүмкіндігімен алдын ала жазба ретінде және заманауи жинау технологияларын пайдалана отырып жүргізіледі. 2025 жылдың 15 мамыры мен маусымы аралығында саяжайлар мен қалалық аумақтарда сауалнама жүргізу жоспарланған. 1 тамыздан 31 тамызға дейін онлайн санақ өтеді. Респонденттер веб-сайтта санақ нысандарын өз бетінше толтыра алады. Мәліметтерді өңдеу 20 күнде жүзеге асырылады», – дейді ол.
20 қыркүйек пен 20 қазан аралығында интервьюерлер планшеттерді пайдалана отырып, үй шаруашылығына сауалнама жүргізеді, содан кейін бақылауға барады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
