«ҚазАвтоЖол» ұлттық компаниясы Қызылорда-Жезқазған автомобиль жолының қашан толығымен жөнделетіндігін мәлім етті, деп хабарлайды ҚазАқпарат.
«Қызылорда-Жезқазған автомобиль жолы учаскесін (ұзындығы 424 шақырым) жаңғырту жобасы Қызылорда мен Ұлытау облыстарының аумағында орналасқан учаскелер бойынша екі негізгі іске қосу кешеніне бөлінгені белгілі. Қызылорда облысындағы құрылыс жұмыстары Еуразиялық қайта құру және даму банкінің қаржыландырумен 2022 жылдың ортасында басталған жолатын. Абаттандыру және жол қозғалысы қауіпсіздігін қамтамасыз ету бойынша жұмыстардың орындалуын ескере отырып, құрылысты 2025 жылы аяқтау жоспарланған», – делінген компанияның агенттік сауалына берген жауабында.
Мекеме мәліметінше, Ұлытау облысы аумағындағы жол учаскесін салу үшін қазірі уақытта Азия даму банкінің сатып алу ережесіне сәйкес конкурстық процедура жүргізіліп жатыр. Бұл учаскеде құрылыс жұмыстары осы жылы басталады және 20026-2027 жылдары аяқтау көзделіп отыр.
>>> Біздің Facebook, Instagram парақшаларымыз бен Telegram каналымызға жазылыңыз! <<<
