«Менің туым, менің Отаным!» бұқаралық челленджі аясында Қызылорда облысында барлығы 40 нысанға жүздеген мемлекеттік ту ілінді. Сондай-ақ, барлық ауданда авто, вело және аттылар шеруі өткізілді.
Сырдария ауданында ұйымдастырылған аттылар шеруіне 30 шабандоз қатысып, кенттегі көшелермен жүріп өтті.
– Патриоттық шара әсіресе жастар үшін аса қажет. Көше бойымен көк байрағымызды алып жүру арқылы біз ел бірлігі мығым, татулығымыз тұрақты екенін дәріптейміз, – дейді атты шеруге қатысушы Хамзат Кеңесбаев.
Барлық ауданда ұйымдастырылған шерулерде жастар еліміздің көк байрағын ұлықтауда. Мереке күндері бұл шаралар лайықты жалғасын табады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
