Қызылорда қаласында биыл алғаш рет қалың қар жауды.
Облыс орталығы – Қызылорда қаласында бүгін таңертең алғаш рет қалың қар жауды. Биыл мұндай көлемде әзірге қалың қар жаумаған еді.
![](https://syrboyi.kz/wp-content/uploads/2024/01/qalyng-qar1.webp)
Ал облыстың солтүстігінде орналасқан Арал мен Қазалы аудандарында қар қаңтар айының алғашқы аптасында жауды.
Облыс орталығының тұрғындары Жаңа жыл мейрамын қарсыз қарсы алды.
![](https://syrboyi.kz/wp-content/uploads/2024/01/qalyng-qar2.webp)
«Қазгидромет» Қызылорда филиалының бөлім басшысы Әйгерім Жөкелованың айтуынша, 24 қаңтарда Қызылорда қаласында қалыңдығы 1-2 сантиметр қар жауған.
Бүгінгі жауған қар 5 сантиметрге жетті. Бұдан кейін қар 28-29 қаңтар күндері жауады деп болжанып отыр.
![](https://syrboyi.kz/wp-content/uploads/2024/01/qar-1.webp)
«Кейінгі жылдарда Сыр өңірінде қар аз жауатын болып жүр. Бұрын қардың түсуі қазан-қараша айларында көрініс беретін еді. Бүгінде ауа райының жылынуы байқала бастады. Оған климаттың жылыну жағдайы әсерін тигізеді деген ойдамын», – дейді Қызылорда қаласының тұрғыны Төрегелді Мәуленқұлов.
Еске салсақ, бұдан бұрын Түркістанды қар басып қалғанын хабарлаған едік.
>>> Біздің Facebook, Instagram парақшаларымыз бен Telegram каналымызға жазылыңыз! <<<