Қазақстандық аралас жекпе-жек шебері Шавкат Рахмонов (19-0) UFC рейтингінде жартылай орта салмақта ресми түрде екінші орынға көтерілді, – деп хабарлайды msports.kz.
Отандасымыз ирландиялық Иэн Гэрриді (15-1) жеңгеннен кейін, үшіншіден екінші сатыға жоғарылады. Екінші орында болған Камару Усман (20-4) бір орын төмен сырғыды. Ал Гэрри жетінші орнын сақтап қалды.
Рейтинг көшін Леон Эдвардс (22-4) бастап тұр. Ал бұл салмақтағы чемпиондық белбеу Белал Мұхаммад (24-3) еншісінде. Ол UFC 310 турнирінде Шавкатпен шайқасуы керек болған. Алайда жарақатына байланысты бас тартқан еді.
UFC президенті Дана Уайт бұл жекпе-жекті келер жылы ұйымдастыруға ниетті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
