Әсет Исекешев президенттің көмекшісі – Қазақстан Қауіпсіздік Кеңесінің хатшысы болып тағайындалды деп хабарлайды KAZ.NUR.KZ Ақорданың баспасөз қызметіне сілтеме жасап.«Әсет Өрентайұлы Исекешев Қазақстан Республикасы Президентінің көмекшісі – Қауіпсіздік Кеңесінің Хатшысы болып тағайындалсын» – делінген хабарламада.
Әсет Исекешев 48 жаста. Отбасы, ұлы бар.
Қазақ, орыс және ағылшын тілдерінде сөйлейді, заңгерлік білімі бар.
Әр жылдары Исекешев экономика министрінің кеңесшісі, индустрия және сауда вице-министрі, сондай-ақ мемлекет басшысының көмекшісі қызметтерін атқарды.
Сонымен қатар, 2009-2010 жылдары Исекешев индустрия және сауда министрлігін, ал 2014-2016 жылдары инвестициялар және даму министрлігін басқарды.
2010-2014 жылдары ел премьер-министрінің орынбасары болды.
Исекешев екі жыл бойы Нұр-Сұлтан қаласын басқарды, кейін президент әкімшілігінің басшысы қызметіне ауысты.
Сонымен қатар, оның әскери шені бар: ол – запастағы лейтенант.
Естеріңізге сала кетейік, бұған дейін президент көмекшісі – Қауіпсіздік кеңесінің хатшысы қызметін атқарған Қалмұханбет Қасымов Мемлекеттік күзет қызметінің бастығы болып тағайындалды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
