Сыр бойы оқушылары 11-14 наурыз аралығында Біріккен Араб Әмірлігінің Дубай қаласында өткен халықаралық ғылыми-тәжірибелік конференцияда бас жүлдені иеленді.Конференцияда биология бағыты бойынша Дана Айдарбек, Аймерей Байғабылова, Афрасняб Кобдиков және Шахризада Ақмұрат өз жобаларын таныстырды. Нәтижесінде Дана Айдарбек пен Аймерей Байғабыловаға бас жүлде бұйырды.
– Біз өз ата-анамыз бен мұғалімдерімізге алғыс айтамыз. Ұстаздардың арқасында республикалық конференцияда топ жарып, халықаралық додаға жолдама алдық. Онда да биіктерден түспей, Сыр бойы оқушыларының білім бәсекесінде қабілетті екендігін тағы бір дәлелдедік. 2017 жылдан бері осы додаға дайындалып, ақырында жүлдеге қол жеткіздік, – дейді Ақмерей Байғабылова.
Айта кету керек, жүлделі оқушылар №15 мектеп-лицейінде білім алады. Әрдайым ізденістері өз жемісін беріп, шетелде топ жарған шәкірттері үшін лицей мұғалімдері де аса қуанышты.
Ержан ҚОЖАСОВ.
>>> Біздің Facebook, Instagram парақшаларымыз бен Telegram каналымызға жазылыңыз! <<<
