Үкімет отырысынан кейін тілшілердің сұрағына жауап берген ҚР Инвестициялар және даму министрі Жеңіс Қасымбек Шудағы пойыз апатына себеп болуы мүмкін басты нұсқаны атады. «Осы уақытқа дейін бірнеше рет жолдың жағдайы негізгі себеп болғаны айтылған болатын. Қарсы келе жатқан жүк тасымалы бойынша нұсқа алынып тасталды. Жолдың жағдайы – негізгі нұсқа. Көктемде жүргізілген жөндеу жұмыстарының сапасына, күнделікті тексеріске, бұл жолдың жағдайына келгенде сұрақтар бар. Мен осымен 20-шы рет жауап беріп тұрмын: кімнің кінәлі екенін комиссия анықтайды», – деді Жеңіс Қасымбек тілшілердің сұрағына жауап бере отырып. Еске сала кетсек, 17 маусымда Астанадан Алматыға бара жатқан жолаушылар пойызы аударылып, бір жасөспірім көз жұмған болатын.
Ақпарат көзі: inform.kz
>>> Біздің Facebook, Instagram парақшаларымыз бен Telegram каналымызға жазылыңыз! <<<
