Қазақстанның Сыртқы істер министрлігі Иранда деректі кино түсіріп жүрген қазақстандық режиссер, сценарист әрі оператор Қанат Бейсекеев ұсталды деген ақпаратқа қатысты пікір білдірді, – деп хабарлайды Tengrinews.kz тілшісі. «Биылғы 16 маусымда Қазақстанның Горган қаласындағы Бас консулдығы үш адамнан тұратын қазақстандық түсірілім тобымен кездесуі кезінде Иранда түсірілім жасауға арнаулы визасының болмағанын анықтап, жергілікті биліктен осы құжатты алуды кеңес етті. Бас консулдықтың мәліметінше, түсірілім тобы Қазақстанға ұшу үшін Тегеранға аттанғаны анықталды. Қанат Бейсекеев түсірілім жасауға арнайы рұқсатты алуда консулдық мекемесінің қолғабыс етуінен уақытының тапшылығына байланысты бас тартты. Алайда 20 маусымда түсірілім тобы Горган қаласына оралып, түсірілімін жалғастырған, мұнда жергілікті көші-қон органдары түсірілімге рұқсатының болмауына байланысты олардан Тегеранға оралуын сұраған», – делінген ведомство хабарламасында.
Ирандағы демалыс күндеріне қарамастан Бас консулдықтың түсірілім тобының қайда екенін анықтау үшін жергілікті билікпен байланыс орнатуға тырысып жатқаны айтылады. Бас консулдық осы мәселе бойынша Иранның Сыртқы істер министрлігіне арнайы нота жолдаған. Еске салайық мұның алдында PR-маман Әлішер Елікбаев Иранда деректі кино түсіріп жүрген қазақстандық режиссер, сценарист әрі оператор Қанат Бейсекеевтің ұсталғанын хабарлаған еді.
«Ол бұл елде фильм түсіріп жатыр. Енді Ирандағы қазақтар туралы фильм шыға ма, жоқ па – белгісіз. Көп болды сол жақта жүргеніне. Енді ғана біліп отырмын. Ешқандай да мән-жайын білмеймін. Оны ұстап, барлық құрал-жабдығын тәркілепті. Бұған дейін ол Моңғолиядағы қазақтар туралы фильм түсірген, кейін Өзбекстанға барып, сондағы қазақтар жайлы фильм түсірген, енді Иранға барған», – деді Әлішер Елікбаев. Оның айтуынша, Бейсекеевтен бірнеше мың доллар тұратын құрал-жабдығы тәркіленген.
>>> Біздің Facebook, Instagram парақшаларымыз бен Telegram каналымызға жазылыңыз! <<<
