Қызылорда «Болашақ» университетінің ректоры Қ.Б.Бақберген өткен жылы 2024 жылды ғылым жылы деп жариялаған болатын. Осы себептерге байланысты «Болашақ» Ғылыми-зерттеу институты өткізетін шараларын ғылым жылы шеңберінде ұйымдастыруды бастады.
Саяси ғылымдарының кандидаты, қауымдастырылған профессор М.Ө.Насимов Қызылорда «Болашақ» университетінің «Құқықтану» және «Құқық қорғау қызметі» білім беру бағдарламасының студенттері мен пән оқытушыларына «Озық ойлы ұлт алға қарауы керек…» тақырыбында ашық дәріс өткізді. Бұл дәріс университет ғалымының Қазақстан Республикасы Ғылым және жоғары білім министрлігінің Ғылым комитеті қаржыландырып отырған «Қазақстанның оңтүстік өңірлеріндегі дәстүрлі және инновациялық құндылықтар үдерістерін мәдени талдау» ғылыми жобасы аясында жүргізіліп жатқан зерттеулер барысында алынған нәтижелерді талдауға арналды.
Дәріс кіріспесінде ғалым Мемлекет басшысы Қ.-Ж.К. Тоқаевтың «Egemen Qazaqstan» газетінде берілген сұхбаттың өзектілігіне тоқталды. Озық ойлы ұлт алға қарауы керек идеясы болашақтағы жаңашылдық, өсу және әлеуметтік дамуды көздейтін көзқарасты көрсетеді. Алға қарауға екпін беру студенттердің инновациялар мен прогреске ұмтылу міндеттемесін танытатындығы дәйектелді. Прогрессивті ұлт өмір сапасын жақсарту және экономикалық дамуды ынталандыру үшін технология, ғылым, білім және басқа салалардағы жетістіктерге басымдық беретіндігі айтылды.
Аталмыш дәріс білім беру бағдарламасы студенттері үшін қызықты әрі танымдық болуына мән берілді. Ұсынылған тақырып құқықтық зерттеулер мен құқық қорғау қызметі контекстіндегі болжамдар маңыздылығы туралы пікірталасты да қамтыды. Ғалым заңдар мен құқық қорғау қызметінің динамикалық сипатын талқылап, әлеуметтік өзгерістер мен технологиялық жетістіктерге бейімделу қажеттілігін атап көрсетті. Озық ойлы көзқарас халықаралық құқықтық үдерістер мен үлгілерді жаһанданған әлемде ескеру қажеттілігіне тоқталды. Ғалым этика және құндылықтар арасындағы байланысқа ерекше мән берді. Бұл көзқарастар заңдар мен құқық қорғау тәжірибесін қалыптастырудағы этикалық ойлар мен құндылықтардың маңыздылығын ескереді және ұлттың ұзақ мерзімді мақсаттарына сәйкес келеді.
Ғалым қоғамда дәстүрлі және инновациялық құндылықтарды қабылдаудағы үдерістерге тоқталып, дәстүр, инновация және құқықтық құндылықтар арасындағы өзгерістер үздіксіз диалогты талап ететіндігін баяндады. Мәселе бойынша қоғамдағы көзқарастар дәстүрлі және инновациялық құндылықтардың өзара әрекеттесуі туралы пікірлердің әралуандылығын көрсететіндігі айтылып, мәдениет секілді факторлар жеке көзқарастарды қалыптастыруда маңызды рөл атқаратындығы айқындалды. Дәріс соңында саяси, әлеуметтік, құқықтық, мәдени және аймақтық факторлар жастардың дәстүрлі және инновациялық құндылықтарының серпінді дамуымен қатар, озық ойлы ұлттың алға қарауына ықпал жасайтындығы айтылды.
«Болашақ» Ғылыми-зерттеу институты
>>> Біздің Facebook, Instagram парақшаларымыз бен Telegram каналымызға жазылыңыз! <<<
