Отадан кейін науқасқа күтім асау және бақылау – медицина қызметкерлерінің функцианалдық қызметінің негізгі бөлігі. Нақтырақ айтқанда, сала қызметкерлерінің барлық күш-жігері функцияны қалпына келтіруге, жараның қалыпты сауығуына, асқынулардың алдын алуға және олармен күресуге бағытталған.
Операциядан кейінгі күтім операциядан кейін бірден басталады. Бұл науқастың ауруханада болу ұзақтығына созылады және шығарылғаннан кейін де жалғасуы мүмкін.
Операция соңында пациент анестезиядан оянады, стихиялық тыныс қалпына келтірілгенде эндотрахеальды түтік алынып, медицина қызметкерлерінің сүйемелдеуімен палатаға жіберіледі. Науқасты палатаға шығарарда төсек орны дайындалып, қажетті жабдықтармен қамтамасыз етіледі. Жағдайға, операцияның сипатына және анестезияға байланысты төсекте белгілі бір позиция қамтамасыз етіледі. Мысалы, жергілікті анестезия бойынша іш қуысы отасынан кейін науқастың басын жоғары көтеріп, сәл иілген тізе қою керек, бұл іштің қысылуын жеңілдетеді. Егер қарсы көрсетілімдер болмаса 2-3 сағаттан кейін аяқты бүгуге болады. Көбінесе анестезиядан кейін науқасты жастықсыз артқы жағына көлденең жатқызады, басын оң жағына бұрады. Бұл жағдай мидың анемиясын, тыныс алу жолдарына шырыш пен құсудың алдын алады. Анестезия бойынша операциядан кейін толық оянғанша тәуелсіз тыныс алуды және рефлекстерді қалпына келтіргенше науқас үнемі бақылауды қажет етеді. Операциядан кейін жарақат аймағына дереу құм толтырылған дорба немесе мұз пакеті қойылып, гематоманың пайда болуына жол бермейді. Мейіргерлер науқасты қарап, жалпы жағдайын, сыртқы түрін, тыныс алу жиілігі мен қан қысымын, дене температурасын бақылайды.
Ауырсынумен күресу үшін ауырсынуды басатын дәрілер тағайындалады. Ол бірінші күні әр 4-5 сағатта егіледі. Отадан кейін әр науқасқа режим жеке анықталады. Алғашқы көтерілу, алғашқы қадамдар мейіргердің көмегімен жасалып, оның бақылауында болады.
Алтын РАЙКУЛОВА,
облыстық көпбейінді балалар ауруханасының мейіргері.
>>> Біздің Facebook, Instagram парақшаларымыз бен Telegram каналымызға жазылыңыз! <<<
