Мемлекеттік орган қызметкерлерінің қатысуымен өткізілген «Жемқорлықпен күрес және заңның үстемдігі» атты форум аясында, бұқаралық ақпарат құралдары өкілдері арасында ұйымдастырылған сыбайлас жемқорлыққа қарсы іс-қимыл бағытында үздік журналистік жарияланымдар конкурсының жеңімпаздары марапатталды.Конкурс, азаматтардың сыбайлас жемқорлыққа қарсы мәдениетін қалыптастыру мақсатында «Үздік телевизиялық жұмыс», «Үздік баспа жарияланым», «Үздік интернет жарияланым» секілді 3 номинация бойынша өткізілген болатын.
Конкурс қорытындысы бойынша «Үздік телевизиялық жұмыс» номинациясымен «QYZYLORDA» телеарнасының тілшісі Әділбек Жаханов, «Үздік интернет жарияланым» номинациясы бойынша «ҚазАқпарат» ақпарат агенттігінің Қызылорда облысындағы меншікті тілшісі Әділжан Үмбет, «Үздік баспа жарияланым» номинациясы бойынша І дәрежелі дипломмен «Халық» газеті бас редакторының орынбасары Қозы-Көрпеш Жасаралұлы марапатталса, «Сыр бойы» облыстық газетінің тілшісі Мөлдір Қалымбет осы номинацияның ІІ дәрежелі дипломының иегері атанды.
Жеңімпаздар Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының дипломымен және бағалы сыйлықтармен марапатталды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
