Фото: ашық дереккөз
Теміртауда «Ана мен бала» көпсалалы орталығында салмағы 5055 грамм бала дүниеге келді. Анасы нәрестені табиғи жолмен дүниеге әкелген, деп хабарлады Tengrinews.kz.
Жүкті әйел ауруханаға 22 ақпанда түскен. Салмағы – 5055 грамм, бойы – 57 сантиметр ұл бала дүниеге келді.
Бұл – әйелдің төртінші баласы. Қазір анасы мен баласы дәрігерлердің бақылауында. Жағдайлары қалыпты. Акушерлікте үлкен салмақты балалардың туылуы жиі кездеседі. Яғни 4 мың грамнан асатын балалар үлкен болып саналады.
Ал салмағы 5 мың грамнан асатын сәбилер алып балалар тобына жатады, – делінген хабарламада.
Жалпы, 2022 жылы үлкен салмақпен 54, алып салмақты 10 нәресте дүниеге келген. Оның ішінде ең үлкені облыстық клиникалық аурухананың перинаталдық орталығында дүниеге келген, салмағы – 6 520 грамм.
>>> Біздің Facebook, Instagram парақшаларымыз бен Telegram каналымызға жазылыңыз! <<<
