Теміртау қаласының тарихи-өлкетану мұражайында Ғарышкерлер күні мен Валентина Терешкованың ғарышқа ұшқанына 55 жыл толуына арналған атты көрме ашылды. Бұл туралы ҚазАқпарат әкімдіктің бапасөз қызметіне сілтеме жасап хабарлайды.
Экспозиция бірнеше бөлімдерден құралады. Көрмеде ғарышкер әйелдер туралы деректік материалдар мен фото суреттер келтірілген.
«57 жыл ішінде ғарышта әлемнің 60-тан астам әйелі болып қайтты. Олар және ғарыш туралы біздің көрме баяндайды», – дейді куратор Светлана Трещёва.
Мұражай залдарында сонымен қатар ғарыштық нысандардың макеттері де келтірілген – «Мир» станциясы, ғарыштық ракетаның бөлігі мен сынақшы ұшқыштың шлемі.
12-ші сәуірде мұражайда «Әйелдер ғарышы» атты ашық шара өтеді. Көрмесін сәуірдің 22-не дейін тамашалауға болады.
Ғарышкерлер күні 12-ші сәуірде атап өтіледі. Бұл дата адамның алғаш рет ғарышқа ұшу күнімен орайластырылған. 1961-ші жылдың 12-ші сәуірінде кеңес ғарышкері Юрий Гагарин «Восток-1» кемесімен «Байқоңыр» ғарыш айлағынан әлем бойынша біріші болып Жер планетасын орбиталық айналып өтуге аттанған болатын. Жер маңындағы ғарыштық кеңістікке ұшу 108 минутқа созылған еді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
