Атырауда тергеу органдары ерлі-зайыптылардың өліміне қатысты тергеу бастады. Олардың төрт баласы болған, деп хабарлайды Stan.kz ақпарат агенттігі.
Облыстық полиция департаментінің мәліметінше, марқұмдардың мәйіттері жалдамалы пәтерлерінен табылған.
25 шілдеде әйелдің анасы дабыл қағып, қызының есікті ашпайтынын мәлімдеген. Төтенше жағдайлар бөлімінің кезекші бөлімі есікті ашу кезінде 1996 жылы туған әйел және 1992 жылы туған ер адамның мәйітін тапқан.
Аталған дерек бойынша тергеу жүріп жатыр. «Интерфак-Қазақстан» агенттігінің мәліметінше, әйел қылқындырып өлтірілген, ал ер адам асылып қалған.
>>> Біздің Facebook, Instagram парақшаларымыз бен Telegram каналымызға жазылыңыз! <<<
