7 ақпанда 1975 және 1989 жылдары туған екі адам Түлкібас ауданының Керейт ауылынан мал іздеуге шығып, ауа райының қолайсыздығынан адасып кеткен, деп хабарлайды Zakon.kz.
Іздестіру-құтқару жұмыстарына 48 адам, төрт техника, екі дрон жұмылдырылды.
«Іздеу жұмыстарын қолайсыз ауа райы (тұман, қар, екпінді жел, боран) қиындатты. Іздеу тобы 1989 жылы туған азаматты Шинбұлақ ауылынан тапты. Өкінішке орай, 1975 жылы туған азаматтың денесі табылды», – деп хабарлады Түркістан облысы төтенше жағдайлар департаментінің баспасөз хатшысы Шыңғыс Сүлейменов.
Төтенше жағдайлар департаменті қыс мезгілінде қауіпсіздік ережелерін сақтап, дауылды ескертулерге назар аударып, ауа райы нашарлаған кезде үйде болу керегін ескертті.
>>> Біздің Facebook, Instagram парақшаларымыз бен Telegram каналымызға жазылыңыз! <<<
