Өңірлік коммуникациялар қызметінде өткен баспасөз мәслихатында Алматы қаласы төтенше жағдайлар департаменті азаматтық қорғаныс басқармасының аға офицері Есбол Сұлтанов тыйым салынған жерлерде шомылғаны үшін тұрғындарға айыппұл салынатынын айтты.
«Су айдындарындағы қауіпсіздік ережелерін бұзғаны немесе орындамағаны үшін жауапты тұлғалар мен азаматтар «Әкімшілік құқық бұзушылық туралы» ҚР Кодексінің 412 – бабы бойынша 7 АЕК (25 мың теңге) айыппұл түрінде әкімшілік жауапкершілікке тартылатын болады», – деді ол.
Алматы ТЖД құтқарушылары демалушыларды тек шомылу үшін жабдықталған орындарды таңдауға, су айдындарындағы тыйым салу белгілеріне бей-жай қарамауға шақырды.
Республикалық жедел-құтқару жасағының сүңгуір-құтқару бөлімшесінің басшысы Андрей Быбченконың сөзінше, ең негізгі мәселе – қауіпсіздік.
«Әрекет алгоритмі, әдетте әрқашан назар аударады. Сіз қандай да бір су айдынына келгенде, айналаңызға қарап, оған құтқару құралдары, құтқару мұнаралары мен құтқарушылардың өздері, сондай-ақ медициналық көмек көрсету пункті бар екеніне көз жеткізуіңіз керек. Бұл қалқандарда немесе мұнараларда әрдайым құтқару шеңбері болады, оны суға батып жатқан адамға тастауға болады. Егер сіз адамның суға батып бара жатқанын көрсеңіз, айналаңыздағы адамдар не болып жатқанын көруі үшін бар дауыспен көмекке шақыру қажет. Сол кезде белгілі бір уақытта қажетті қызметтер көмекке келеді», – деді Андрей Быбченко.
Қазір Алматы су айдындарының шомылуға қауіпті аймақтарында ақпараттық стендтер, баннерлер, сондай-ақ осы жерде шомылуға тыйым салатын қауіпсіздік белгілері орнатылып жатыр.
Бұған дейін Алматыда шомылуға рұқсат етілген төрт орын белгіленгені туралы жазған едік.
>>> Біздің Facebook, Instagram парақшаларымыз бен Telegram каналымызға жазылыңыз! <<<
