Республика күні қарсаңында елордада «Үздік педагог-2024» республикалық байқауының жеңімпаздары марапатталды. Биылғы жылы аталған байқауға Қызылорда қаласындағы мектептерден 3 мұғалім қатысып, оның 2-еуі өз ісінің үздігі болып танылды.
Атап айтсақ, Қызылорда қаласындағы С.Толыбеков атындағы №3 ІТ мектеп-лицейінің «педагог-зерттеуші» санатты химия пәні мұғалімі, біліктілік арттыру курстарының облыстық тренері Сарыбаева Гүлжаухар Тоғанасқызы мен Ж.Нұрманов атындағы №198 орта мектебінің «педагог-зерттеуші» санатты бейнелеу өнері және сызу пәнінің мұғалімі Әкімбаева Баян Асылбекқызы мәртебелі атаққа ие болды.
Айта кетейік, республикалық байқау жеңімпаздары «Үздік педагог» куәлігімен, «Үздік педагог» төсбелгісімен және 1000 АЕК (3,6 млн теңгеден астам) мөлшерінде қаржылай сыйақымен марапатталды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
