Келесі жылдан бастап тіркелмеген ұялы телефондар байланыстан ажыратылады, деп xабарлайды ҚазАқпарат тілшісі.
ҚР Ақпарат және коммуникациялар министрі Дәурен Абаевтың айтуынша, ұялы телефондарды тіркеу шаралары шілде айында басталады. «Негізі, барлық процедуралық мәселелер шешілген. Тіркеу шаралары шамамен жарты жылға созылады. Дегенмен, біз аталған жұмысты барынша оңтайландыруға тырысамыз. Мысалы, абонентке SMS-xабарлама келеді. Ол өз келісімін берсе болды. Ол жағынан қиындықтар болса, жақын жердегі ұялы байланыс кеңсесіне бару қажет. Сосын онлайн тіркеу қызметін де іске қосуды жоспарлап отырмыз. Меніңше, жылдың аяғына дейін бәрін ойдағыдай шешеміз», – деді Д.Абаев xалыққа есеп беру кездесуінде.
Айта кетейік, бүгін министр Абаев келесі жылы тіркелмеген телефондарға ұялы байланыстың қосылмайтынын тағы бір мәрте еске салды.
«Осыдан екі жыл бұрын ұялы телефондады тіркеудің жаңа ережелері қабылданған болатын. Содан бері арнайы ақпараттық жүйе әзірленді. Оны іске асырудың арқасында ұялы телефондардың ұрлығын айтарлықтай азайтуға болады. Себебі ішкі істер органдары ұрланған телефонды IMEI-код арқылы бірден бұғаттай алады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
