Ауа райының бұзылуына байланысты Қазақстанның бірнеше өңірінде ескерту жарияланды, деп хабарлайды ҚазАқпарат Қазгидрометке сілтеме жасап.
26 шілдеде күндіз Қызылорда облысында 40°С аптап ыстық күтіледі. Кей жерлерде солтүстік-шығыстан күшті жел соғады. Жел екпіні -15-20 м/с.
26 шілдеде Қостанай облысының кей жерлерінде түнде және таңертең тұман түседі. Солтүстіктен және солтүстік-шығыстан жел соғады. Жел қарқыны күндіз кей жерлерде 18 м/с жетеді.
26 шілде күндіз Батыс Қазақстан облысының кей жерлерінде найзағай ойнап, дауыл тұрады. Бұршақ жауады. Солтүстік-шығыстан соғатын желдің күші – 15-20 м/с.
Осы күні Орал қаласында найзағай жарқылдайды. Солтүстік-шығыстан соғатын желдің екпіні 18 м/с дейін күшейеді.
