6-9 қаңтар күндері Қызылорда қаласында қаңғыбастыққа салынғандарды қайта әлеуметтендіру мақсатында «Подвал» жедел-профилактикалық іс-шарасы өтті.
Облыстық полиция департаменті баспасөз қызметінің хабарлауынша, осы аралықта белгілі тұрағы жоқ 42 адам есепке алынды. Олар Тасбөгет кентіндегі облыстық денсаулық сақтау басқармасына қарасты арнайы орталыққа жеткізіліп, 7 түрлі қызмет алды.
Орталық 60 орындық болса, оның 50-і күнделікті паналайтын, қалғаны түнемелік келушілерге қарастырылған.
Күннің суытуына байланысты полицияның кешенді күштері қаңғыбастыққа салынған жандарға көмектесу үшін қайта әлеуметтендіру орталығымен бірлесіп жұмыс атқарып жатыр.
