Облыстық білім және ғылым қызметкерлері кәсіподағының ұйымдастыруымен білім саласының үздіктерін марапаттауға арналған «Жыл таңдауы-2019» атты шарасы өтті.
Сол жағалаудағы зәулім ғимарат «Болашақ» университетінде үздік мұғалімдердің есімі аталып, марапатталды. Мерекелік шараға қатысқан «Болашақ» университетінің ғылыми жетекшісі, экономика ғылымдарының докторы, ҚР ұлттық академиясының академигі, профессор Б.Досманбетов ұстаздарды құттықтап, арнайы номинацияларды тапсырды.
Ұрпақ тәрбиелеуде аянбай еңбек етіп жүрген білікті ұстаздарды облыстық білім және ғылым қызметкерлері кәсіподағының төрайымы Райкүл Байназарова марапаттады. Сондай-ақ, шарада ҚР кәсіподақтар федерациясы «Еңбекті қорғау жөніндегі үздік техникалық инспектор» байқауында облыс орталығындағы №198 мектеп 3-орын иеленгені атап айтылып, арнайы марапатқа ие болды. Мерекелік жиын шәкірттердің ұстаздарға арнаған ән-жырымен, биімен жалғасты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
