Әнші Досымжан Таңатаров Жастар театры директорының орынбасары қызметіне тағайындалды. Бұл туралы театрдың баспасөз қызметі хабарлады.
«Жастар театры директорының шығармашылық құрам жөніндегі орынбасары қызметіне Досымжан Қарпықұлы Таңатаров тағайындалды», – делінген хабарламада.
Әнші жаңа жұмысқа кірісіп кеткенін де жасырмады.
«Биссмиллах деп жұмысты бастап кеттік. Жылы сөздеріңізге, сын пікірлеріңізге, сенім білдіріп, қолдау көрсеткендеріңізге көп рахмет», – деп жазды ол Instagram-да.
Досымжан Таңатаров президент оркестрінде 20 жыл қызмет етіп, майор шенімен зейнетке шыққан.
>>> Біздің Facebook, Instagram парақшаларымыз бен Telegram каналымызға жазылыңыз! <<<