Жалағаш ауданы әкімдігінің қолдауымен «Жалын» жастар сыйлығын табыстау қорытынды шарасы өткізілді.
Шара барысында жас кәсіпкерлердің арнайы көрмесі қойылды. Көрмеге қолөнер шеберлері, жаңа бизнес-идеяларды дамыту мақсатындағы шағын грант иегерлері және «Zhas Project» жобасының жеңімпаздары қатысты. Жалағаш жастарының басын қосқан бұл жиынға Жалағаш ауданы әкімінің орынбасары Ғани Сүлейменов арнайы қатысып, аудан көлемінде жастарды қолдауға арналған жаңа мүмкіндіктерге тоқталып өтті.
Жалағаш ауданында мемлекеттік жастар саясатының жүзеге асырылуы жоғары деңгейде жүргізілуде. Оған дәлел, Жалағаш жастары барлық саладан облыс көлемінде үздіктер қатарында. Осы тұрғыда аудан әкімінің орынбасары Ғани Сүлейменов «Жалын» жастар сыйлығын өз саласының үздігі атанып жүрген 10 жас арнайы дипломмен марапатталды. Дәстүрге айналған аталмыш марапат жастардың белсенді жұмыс жасауына ерекше қарқын беріп келеді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
